Fréttir

Á fundi stjórnar SL lífeyrissjóðs þann 16. febrúar sl. var ákveðið að lækka verðtryggða breytilega vexti á lánum til sjóðfélaga úr 1,84% í 1,74%. Tekur breytingin gildi frá og með 1. apríl 2021.

Lokað er fyrir allar heimsóknir á skrifstofu SL lífeyrissjóðs áfram en þjónusta er veitt gegnum síma og með töluvpósti á afgreiðslutíma sjóðsins milli kl. 9:00 – 16:00. Engin starfsemi er dagana 24. desember og 31. desember. Opið er 28. – 30. desember. Þann 4. janúar 2021 opnar afgreiðsla sjóðsins kl. 9:00.

Þann 12.10.2020 voru send út yfirlit til sjóðfélaga og eiga þau að hafa borist sjóðfélögum sjóðsins. Yfirlitin miðast við iðgjöld fyrir tímabilið mars 2020 til og með september 2020 bæði í samtryggingu og séreign. Á yfirlitinu koma fram upplýsingar um skil iðgjalda hvers sjóðfélaga og réttindi viðkomandi til lífeyris frá sjóðnum.

Lokað verður fyrir allar heimsóknir á skrifstofu SL lífeyrissjóðs frá og með mánudeginum 21. september en starfsmenn munu áfram sinna verkefnum sínum og þjónustu við sjóðfélaga eftir bestu getu. Lokunin stendur yfir um óákveðinn tíma. Á meðan á þessari lokun stendur þá hvetur sjóðurinn sína sjóðfélaga og viðskiptavini til þess að nýta sér rafræna þjónustu og/eða leita upplýsinga gegnum síma.

Vextir óverðtryggðra lána verða 4,54% frá og með 15.09.2020 til og með 14.12.2020. Gilda þeir á lánveitingum óverðtryggðra lána sem tekin eru á framangreindu tímabili og eru fastir til næstu tveggja ára. Næsti vaxtadagur er 15.12.2020.

Á fundi stjórnar SL lífeyrissjóðs í gær var ákveðið að lækka verðtryggða breytilega vexti á lánum til sjóðfélaga úr 1,99% í 1,84%. Tekur breytingin gildi frá og með 1. október 2020.