Fréttir

Lokað verður fyrir allar heimsóknir á skrifstofu SL lífeyrissjóðs frá og með þriðjudeginum 28. desember 2021 en starfsmenn munu áfram sinna verkefnum sínum og þjónustu við sjóðfélaga eftir bestu getu. Lokunin stendur yfir um óákveðinn tíma.

Vinsamlegast hafið samband í gegnum tölvupóst á sl@sl.is.

Dagana 24. desember og 31. desember er sjóðurinn lokaður og engin starfsemi. Opið er 27. – 30. desember. Þann 3. janúar 2022 opnar afgreiðsla sjóðsins kl. 9:00.

Í byrjun nóvember sl. voru send út yfirlit til sjóðfélaga og eiga þau að hafa borist sjóðfélögum sjóðsins. Yfirlitin miðast við iðgjöld fyrir tímabilið mars 2021 til og með september 2021 bæði í samtryggingu og séreign. Á yfirlitinu koma fram upplýsingar um skil iðgjalda hvers sjóðfélaga og réttindi viðkomandi til lífeyris frá sjóðnum.

Þrettán íslenskir lífeyrissjóðir, SL þar á meðal, ætla að fjárfesta fyrir 4,5 milljarða Bandaríkjadala (um 580 milljarða króna) í verkefnum sem tengjast hreinni orku og öðrum umhverfisvænum lausnum fram til ársins 2030.

Frá árinu 2018 hefur starfsemi SL lífeyrissjóðs verið vottuð samkvæmt stöðlunum ISO 27001, sem snýr fyrst og fremst að upplýsingatækni, og ISO 9001 sem snýr að vottun gæðakerfa eða rekstrarhandbókar.