Fréttir

Vextir óverðtryggðra lána verða 4,64% frá og með 15.06.2020 til og með 14.09.2020. Gilda þeir á lánveitingum óverðtryggðra lána sem tekin eru á framangreindu tímabili og eru fastir til næstu tveggja ára.

Stjórn SL lífeyrissjóðs hefur ákveðið að ársfundur sjóðsins verði haldinn miðvikudaginn 10. júní.

Á fundi stjórnar SL lífeyrissjóðs nú í dag var ákveðið að lækka verðtryggða breytilega vexti á lánum til sjóðfélaga úr 2,19% í 1,99%. Tekur breytingin gildi frá og með 1. júlí 2020.

Nú hafa verið send út yfirlit og eiga þau að hafa borist sjóðfélögum sjóðsins. Yfirlitin miðast við greidd iðgjöld tímabilið september 2019 – mars 2020, bæði í samtryggingu og séreign. Á yfirlitinu koma fram upplýsingar um skil iðgjalda hvers sjóðfélaga og réttindi hans til lífeyris frá sjóðnum.

Nú liggur fyrir endanlegt uppgjör sjóðsins fyrir árið 2019. Ávöxtun síðasta árs er mjög góð og eru skuldbindingar og eignir í jafnvægi. Afkoma síðasta árs er sú næst besta í sögu sjóðsins. Samtals eru eignir allra deilda 184,2 milljarðar króna í árslok 2019 og vaxa um 13,7% eða 22,1 milljarða króna. Eignir samtryggingardeildar nema 181,2 milljörðum króna og séreignardeilda sjóðsins 3,0 milljörðum króna. Nánar um uppgjör sjóðsins hér. Ársskýrsla síðasta árs er

Í ljósi aðstæðna hefur verið lokað fyrir allar heimsóknir á skrifstofu SL lífeyrissjóðs frá og með mánudeginum 16. mars en starfsmenn munu áfram sinna verkefnum sínum og þjónustu við sjóðfélaga eftir bestu getu í gegnum tölvupóst og síma. Ákvörðun um þetta var tekin eftir að tilkynnt var um samkomubann vegna COVID-19 sem gildir frá og með 16. mars 2020. Á samkomubannið að standa a.m.k. næstu 4 vikurnar.