Ávöxtun 12,1% á árinu 2012

Stjórn Söfnunarsjóðs lífeyrisréttinda hefur staðfest ársreikning sjóðsins fyrir árið 2012.

Nafnávöxtun samtryggingardeildar sjóðsins á árinu var jákvæð er nam 12,1% og hrein raunávöxtun jákvæð er nam 7,3%. Iðgjöld námu 3,1 milljörðum króna og hækkuðu þau um 8,5% frá fyrra ári.
Lífeyrisgreiðslur námu 2,6 milljörðum króna og hækka um 39,7%. Mest hækka ellilífeyrisgreiðslur.

Séreignardeildin skiptist í tvær ávöxtunarleiðir Söfnunarleið I sem er innlánsreikningur og Söfnunarleið II sem inniheldur blöndu verðbréfa. Nafnávöxtun Söfnunarleiðar I nam 6,4% eða 1,8% raunávöxtun. Nafnávöxtun Söfnunarleiðar II nam 9,7% eða 5,0% raunávöxtun.

Heildareignir sjóðsins í árslok 2012 námu 108,8 milljörðum króna og hækkar um 20,4 milljarða króna eða um 23,1% frá fyrra ári. Helgast það af innri vexti sem og samruna Kjalar lífeyrissjóðs við sjóðinn.

Auglýsingu um afkomu Söfnunarsjóðs lífeyrisréttinda er hægt að nálgast hér