Viðbótarlífeyrissparnaður
- 2-4% skattfrjálst viðbótarframlag
- 2% mótframlag frá vinnuveitanda
- Myndar persónulega eign
- Erfist að fullu
Viðbótarlífeyrissparnaður eða Séreignarsparnaður er afar hagstætt sparnaðarform. Iðgjöldin eru undanskilin staðgreiðsluskatti. Ávöxtunin er undanskilin fjármagnstekjuskatti. Séreignarsjóðurinn nýtur lagaverndar gegn innheimtuaðgerðum. 2% mótframlag laungreiðanda er í raun ígildi launahækkunar. Þá nýtur séreignarsjóður lagaverndar gegn innheimtuaðgerðum.
Launþegar og sjálfstætt starfandi einstaklingar geta greitt allt að 4% af heildarlaunum sínum í séreignarsjóð áður en skattur er reiknaður á laun.
Í kjarasamningum er ákvæði um 2% mótframlag launagreiðenda í séreignasjóð launþega sem þýðir að þeir sem spara að lágmarki 2% og allt að 4% af launum fá 2% í mótframlag frá laungreiðanda.
Séreignarlífeyrir er laus til útgreiðslu þegar sjóðsfélagi hefur náð 60 ára aldri. Sjóðsfélaginn ræður þá sjálfur hvernig sparnaðurinn er greiddur út, í einu lagi eða dreift yfir lengri tíma.
Viðbótarlífeyrissparnaður / séreign erfist að fullu eftir reglum erfðalaga við fráfall sjóðsfélaga.
Það er einfalt að byrja séreignarsparnað. Einungis þarf að fylla út samning um séreignarsparnað og senda til sjóðsins.