Ábyrgð vegna veðleyfis
Að gefnu tilefni telur stjórn Söfnunarsjóðs lífeyrisréttinda nauðsynlegt að benda þeim aðilum á, sem hafa veitt veðleyfi í eignum sínum vegna lántöku hjá sjóðnum, að í ákveðnum tilvikum hafa lántakendur ekki risið undir þeirri greiðslubyrði sem þeir hafa tekist á hendur. Afleiðingarnar hafa verið þær, að íbúðir sem veðsettar hafa verið vegna lánanna hafa verið seldar á nauðungaruppboði eða að veðsali (veðleyfisgjafi) hefur þurft að greiða skuld lántakandans til að komast hjá því að missa eign sína á uppboð.