20 mars, 2009 23:37

Nú liggur fyrir uppgjör Söfnunarsjóðs lífeyrisréttinda miðað við 31.12.2008. Staða sjóðsins er áfram traust þrátt fyrir þær hamfarir sem urðu sl. haust með falli bankanna og svo falli Straums. Tekið er tillit til þess í uppgjöri sjóðsins. Færð eru út sannanleg töp ásamt því að eignir eru færðar niður til að mæta mögulegum töpum framtíðar. Hrein eign til greiðslu lífeyris er í árslok 57,8 milljarðar króna og óx um 2,2 milljarða króna eða um 3,9% frá fyrra ári. Iðgjöld vaxa um 10,3% og námu 2,8 milljörðum króna. Lífeyrisgreiðslur jukust um 18% og námu 753 milljónum króna. Mest jukust greiðslur vegna ellilífeyris eða 27% og námu 506 milljónum króna. Hlutfall ellilífeyris fer vaxandi sem hlutfall af heildarlífeyrisgreiðslum sjóðsins. Afkoma sjóðsins var þannig að hrein nafnávöxtun nam 0,3% og hrein raunávöxtun -13,8%. Meðaltal hreinnar raunávöxtunar síðastliðin 5 ár er 3,6% og síðastliðin 10 ár 3,7%. Rekstarkostnaður sjóðsins nam 0,14% af eignum árið 2008. Eignasamsetning sjóðsins í árslok 2008 er þannig að innlend hlutabréf námu 1%, erlend verðbréf námu 25% og innlend skuldabréf námu 74% eigna.

Tryggingafræðileg staða sjóðsins er þannig að sjóðurinn stendur svo til að fullu undir skuldbindingum sínum. Staða sjóðsins er þannig að eignir umfram skuldbindingar eru neikvæðar um 1,7%. Með tilliti til þess mun ekki koma til skerðinga á réttindaávinnslu og lífeyrisgreiðslum sjóðsins.

Séreignardeild sjóðsins skilaði ávöxtun í samræmi við markaðsaðstæður og var nafnávöxtun 4,3% og raunávöxtun –10,4%. Hrein eign séreignardeildarinnar nam 430,7 milljónum króna í árslok 2007. Eignir vaxa um 12% frá fyrra ári.

Um sjóðinn

SL lífeyrissjóður er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
SL lífeyrissjóður
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!