27 október, 2009 12:55

Þann 23. október sl. voru samþykkt lög um greiðslujöfnun veðskulda þ.m.t. lífeyrissjóðslána.  Lagabreytingin felur einnig í sér að öll sjóðfélagalán Söfnunarsjóðs lífeyrisréttinda sem eru í skilum fara sjálfkrafa í greiðslujöfnun frá og með gjalddaga í desember nema lántaki sæki sérstaklega um að greiða áfram í samræmi við upphaflega skilmála veðskuldabréfsins. Tilkynning um það þarf að berast Söfnunarsjóði lífeyrisréttinda eigi síðar en 20. nóvember. Mun sjóðurinn senda greiðendum sérstakt bréf á næstu dögum vegna þessa.  Bent skal á að þótt lán sé komið í greiðslujöfnun getur lántaki hvenær sem er sagt sig frá henni með tilkynningu til sjóðsins sem þarf að berast í síðasta lagi 10 dögum fyrir næsta gjalddaga lánsins.

Hjálagt eru tenglar sem veita frekari upplýsingar um málið.
 

 

 

Um sjóðinn

SL lífeyrissjóður er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
SL lífeyrissjóður
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!