Almennt um lán

Sjóðurinn býður upp á hagstæð lán með allt að 75% veðhlutfalli og er þannig í fremstu röð lífeyrissjóða.

Sjóðfélögum stendur til boða að taka verðtryggð lán eða óverðtryggð lán. Einnig er hægt að velja blöndu af verðtryggðum og óverðtryggðum lánum.

Vakin er athygli á eftirfarandi samantekt Neytendastofu um neytendaupplýsingar sem tengjast lántöku.

Neytendaupplýsingar Neytendastofu

Óverðtryggð lán

Lánin bera nafnvexti sem gilda tvö ár í senn. Á tveggja ára fresti eru vextir endurmetnir. Vaxtakjör sjóðsins má sjá á forsíðu. Hægt er að velja um lán með jöfnum afborgunum eða jöfnum greiðslum (annuitet). Hámarks veðhlutfall á óverðtryggðum lánum er 75%. Núverandi vexti má sjá í vaxtatöflu sjóðsins.

Verðtryggð lán

Verðtryggð lán eru ýmist með föstum vöxtum eða breytilegum vöxtum.  Hægt er að velja um lán með jöfnum afborgunum eða jöfnum greiðslum (annuitet). Hámarks veðhlutfall á verðtryggðum lánum er 65%. Núverandi vexti má sjá í vaxtatöflu sjóðsins.

Blönduð lán

Hægt er að blanda saman eftir vali lántaka verðtryggðum og óverðtryggðum lánum í samræmi við lánareglur sjóðsins. Hámarks veðhlutfall á blönduðu láni er 75%, en þó þannig að verðtryggða lánið fari ekki yfir 65% veðhlutfall.

Sveigjanleiki

Þér stendur ávallt til boða að greiða upp lán frá sjóðnum án uppgreiðslugjalds. Jafnframt getur þú fært úr breytilegum vöxtum í fasta vexti hvenær sem er á lánstímanum án sérstaks gjalds, sjá lánareglur.

Viðskiptakjör

Sjóðurinn er einnig með viðskiptakjör sem er með þeim lægstu á markaðnum eða 45.000 krónu lántökugjald fyrir hverja lánsumsókn og 0% uppgreiðslugjald.  Sé greiðslu- og lánshæfismat unnið af sjóðnum kostar það 11.000 krónur fyrir hjón og sambúðarfólk og 9.000 krónur fyrir einstaklinga.


Leiðbeiningar

Þegar sótt er um lán þarf að útvega ýmis gögn, sjá leiðbeiningar um hvar er hægt að nálgast þau.

Nánari upplýsingar er að finna í lánareglum sjóðsins.

Þú getur notað reiknivélina til þess að skoða mismunandi lánamöguleika.

Endilega hafðu samband við okkur ef þú hefur einhverjar spurningar varðandi lán sjóðsins.

Um sjóðinn

Söfnunarsjóður lífeyrisréttinda er lífeyrissjóður ætlaður öllum launþegum og sjálfstætt starfandi einstaklingum sem eiga ekki sjálfsagða aðild að öðrum lífeyrissjóðum. Hann getur því verið góður kostur fyrir ýmsa aðila sem þurfa að velja sér lífeyrissjóð. Sjóðurinn byggir á samtryggingu og séreign. Hann er sjálfstæður lífeyrissjóður sem ekki starfar í tengslum við stéttarfélag.

Skrifstofan

Skrifstofan er opin alla virka daga frá kl. 9 til 16
Söfnunarsjóður lífeyrisréttinda
Borgartún 29, 105 Reykjavík
  • KT: 450181-0489 | Banki: 101-26-19050
  • Sími: 510 7400 | Fax: 510 7401
  • Tölvupóstur: sl[hjá]sl.is
Númer samtryggingardeildar er: L015
Númer séreignardeildar er: X016
Númer endurhæfingasjóðs er: R015

Finndu okkur!