Þriggja stoða lífeyriskerfi
Íslenska lífeyrissjóðakerfið er byggt upp á þremur meginstoðum í
samræmi við sambærileg lífeyriskerfi í Evrópu og N-Ameríku.
Alþjóðabankinn hefur lagt til að hið svokallaða þriggja stoða kerfi
í lífeyrismálum skuli tekið upp sem víðast. Þessar þrjár stoðir eru:

Fyrsta stoð:
Almannatryggingakerfið
Opinbert lífeyriskerfi með skylduaðild allra landsmanna, sem
greiðir flatan grunnlífeyri eða tekjutengdan lágmarkslífeyri
og er hann fjármagnaður með samtímasköttum. Meginmarkmið
þessa kerfis er tekjujöfnun og samtrygging.

Önnur stoð:
Lífeyrissjóðirnir
Lífeyrissjóðakerfið, sem er skyldukerfi undir opinberu eftirliti
og byggir á fullri sjóðsöfnun í einstaklingsbundnu eða vinnutengdu
sparnaðarkerfi. Meginmarkmið þessa kerfis er sparnaður
til að standa undir ellilífeyri og samtryggingu.

Þriðja stoð:
Viðbótarlífeyrissparnaður
Frjáls einstaklingsbundinn eða vinnutengdur sparnaður með
fullri sjóðsöfnun. Meginmarkmið hans er sparnaður til elliáranna
og einstaklingsbundin réttindi.